MohanPublications Print Books Online store clik Here Devullu.com

పెళ్ళిళ్లకూ రుణాలిస్తారు..!_marriage

marriage, Lend the marriage,  cridit, appu,

పెళ్ళిళ్లకూ రుణాలిస్తారు..!

‘ఇల్లు కట్టి చూడు.. పెళ్లి చేసి చూడు’ అనే నానుడి అక్షర సత్యం. ఈ రెండూ కూడా ఎన్నో సమస్యలతో కూడుకున్నవి. అందులో ప్రధానమైనది ఆర్థిక సమస్య. సంప్రదాయం ప్రకారం సకల మర్యాదలు, ఆచారాలతో పెళ్లి జరపడం ఎంతో ఖర్చుతో కూడుకున్న పని. జీవితంలో ఒకే ఒక్కసారి జరుపుకునే వేడుక పెళ్లి. బంధుమిత్రుల మధ్య ఎప్పటికీ గుర్తుండిపోయేలా జరుపుకోవాలని ప్రతిఒక్కరూ కోరుకుంటారు. ఉత్సాహభరితమైన కార్యక్రమాలతో, తీరైన విందులతో వివాహ క్రతువును వైభవోపేతంగా నిర్వహిస్తారు. అందుకు ఎంత ఖర్చయినా వెనకాడరు. అంత డబ్బు చేతిలో లేకపోతే అప్పోసొప్పో తేవడానికైనా సిద్ధపడతారు. ఆ అవసరాలకు తగ్గట్టుగా వివాహ ఖర్చుల నిమిత్తం బ్యాంకులు సైతం ప్రత్యేకంగా పెళ్లి రుణాలిస్తున్నాయి.

వివాహ పనుల్లో మ్యారేజి హాలు బుకింగ్‌ దగ్గరి నుంచి మండపం అలంకరణ, భోజనాలు, వీడియోలు.. ఇలా ఏది తీసుకున్నా ఖర్చుతో కూడుకున్నవే. పనిలోకి దిగాక ఒక్కోసారి తెలియకుండా ఖర్చు అంచనా మించుతుంది. అటువంటి సమయాల్లో ఈ రుణాలు బాగా ఉపయోగపడతాయి. పెళ్లి ఖర్చుల నిమిత్తం అవసరాన్ని బట్టి ప్రస్తుతం ఎస్‌బీఐ, ఐసీఐసీఐ, కార్పొరేషన్‌ బ్యాంకులు, బ్యాంకేతర ఆర్థిక సంస్థలు కొన్ని వ్యక్తిగత రుణంలో భాగంగా పెళ్లి ఖర్చులకు ప్రత్యేకంగా రుణాలు ఇస్తున్నాయి. వాయిదాల వారీగా సులభంగా తీర్చుకునే వెసులుబాటునూ కల్పిస్తున్నాయి.

కావలసిన పత్రాలు
* ఆదాయ వివరాలు, సంబంధిత ధ్రువపత్రం, 
* మూడు నెలల వేతన పత్రాలు, రెండేళ్ల ఫారం 16 
* మూడు లేదా ఆరు నెలల బ్యాంకు లావాదేవీలు 
* స్వయం ఉపాధి పొందేవారైతే పెట్టుబడికి సంబంధించిన ఆధారాలు 
* వ్యాపార, పన్ను సంబంధ పత్రాలు 
* ఓటర్‌కార్డు, డ్రైవింగ్‌ లైసెన్సు, ఆధార్‌ లాంటి వ్యక్తిగత గుర్తింపు పత్రం 
* చిరునామా గుర్తింపు కోసం రేషన్‌ కార్డు, కరెంట్‌/ఫోన్‌ బిల్లు/ఆధార్‌ 
* పెళ్లికార్డు లేదా పెళ్లి నిర్వహణకు సంబంధించిన వ్యయపత్రాలు (మ్యారేజ్‌ హాల్‌ బుకింగ్‌, క్యాటరింగ్‌ వంటివి)
* వధువు/వరుడుతో రుణం తీసుకునేవారి బంధుత్వానికి సంబంధించిన పత్రం

వృత్తి, జీతం, వయసు, అనుభవం, గతంలో రుణాలు తీర్చిన పద్ధతి వంటి అంశాలను పరిగణనలోకి తీసుకుని ఆయా బ్యాంకులు రుణం ఎంత ఇవ్వాలి? దానిపై వడ్డీ ఎంత? అనే వాటిని నిర్ణయిస్తాయి. ఆయా బ్యాంకుల నిబంధనల ప్రకారం ఈ రుణాన్ని నాలుగు నుంచి ఏడు సంవత్సరాల లోపు తీర్చాల్సి ఉంటుంది. రుణం పొందేవారు ఉండే ప్రాంతాన్ని బట్టి కూడా రుణమొత్తాన్ని నిర్ణయిస్తారు. బ్యాంకేతర ఆర్థిక సంస్థలు గరిష్ఠంగా ఇరవై ఐదు లక్షల వరకూ, కార్పొరేషన్‌ బ్యాంకు పది లక్షల వరకూ రుణం అందిస్తున్నాయి.

వడ్డీరేట్లు, ఇతర ఛార్జీలు, వ్యక్తిగత రుణాల మాదిరిగానే ఉంటా యి. ప్రాసెసింగ్‌ ఫీ మాత్రం ఆయా బ్యాంకును బట్టి రుణ మొత్తంలో ఒకటి నుంచి ఐదు శాతం వరకు ఉంది.

పెళ్లి చేసుకునే వ్యక్తి, లేదా ఆ వ్యక్తి తల్లి/తండ్రి వివాహ రుణం తీసుకునే సౌలభ్యం ఉంది. ఉద్యోగులు లేదా స్వయం ఉపాధి పొందుతూ ఇరవై ఒకటి నుంచి అరవై ఐదు సంవత్సరాల మధ్య వయసువారై ఉండాలి. ఎక్కువ మొత్తం రుణం పొందడానికి, త్వరగా రుణ వాయిదాలను పూర్తి చేయడానికి ఇద్దరూ కలిసి దరఖాస్తు చేసుకునే వెసులుబాటు కూడా కల్పిస్తోంది కార్పొరేషన్‌ బ్యాంకు. అంటే వధూవరులిద్దరూ లేదా వధువు/వరుడు, తల్లి/తండ్రి దరఖాస్తు చేసుకోవచ్చు.

పొందిన రుణాన్ని దేనికి వాడుకోవాలి? అనే విషయంలో కొన్ని నిబంధనలున్నాయి. బంగారు ఆభరణాలు కొనేందుకు ఉపయోగించకూడదు. పెళ్లిమండపం, వివాహ వేదిక, దుస్తుల కొనుగోలు, వివాహ విందు, హనీమూన్‌, ఇతర ప్రాంతాలకు మారడం వంటి ఖర్చులకు ఈ రుణ మొత్తాలను వాడుకోవచ్చు.
                                                             - సంధ్యారాణి

























No comments:

Post a Comment

మీ అభిప్రాయాలు తెలియచేయగలరు
(OR) mohanpublications@gmail.com
(or)9032462565

mohan publications price list